مجلس ترحیم پدر بزرگم

دوزال کندینه ایستر ورزقان- خاروانا یولوندان گئده‌سن، ایسترسه‌ده مرند- علمدار طرفیندن، تبریزدن آزی اوچ ساعات یولدور. بیز اوتن ایللرین بیرینده آذربایجانیمیزین اقتدارلی و دویغولو تحقیقاتچی و شاعیری حاجی میرزا رسول اسماعیل زاده جنابلارینا باش ساغلیغی وئرمک مقصدی ایله سحر ساعات دوققوزدان بو کنده یولا دوشدوک. تحقیقاتچی دوستوموزده یرلی آتاسی نین اربعینی اوچون کندین جامع مسجدینده یاسا اوتورموشدور. یولون اوزاقلیغینا باخمایاراق، یازیچی یا باش ساغلیغی وئرمک اوچوندوزال کندینه ایستر ورزقان- خاروانا یولوندان گئده‌سن، ایسترسه‌ده مرند- علمدار طرفیندن، تبریزدن آزی اوچ ساعات یولدور. بیز اوتن ایللرین بیرینده آذربایجانیمیزین اقتدارلی و دویغولو تحقیقاتچی و شاعیری حاجی میرزا رسول اسماعیل زاده جنابلارینا باش ساغلیغی وئرمک مقصدی ایله سحر ساعات دوققوزدان بو کنده یولا دوشدوک. تحقیقاتچی دوستوموزده یرلی آتاسی نین اربعینی اوچون کندین جامع مسجدینده یاسا اوتورموشدور. یولون اوزاقلیغینا باخمایاراق، یازیچی یا باش ساغلیغی وئرمک اوچون ایرانین بیر چوخ شهرلریندن خصوصی ایله تهران، تبریز، قاراداغ ماحالیندان، جلفا، علمدار، مرند و کیمی… شهرلریندن، بو کنده دوغرو یولا دوشن‌لرین سایی آز دئییلدیر. من خالد اوروجعلی‌پور، منصور علیزاده، یاشار آذر اوغلو ایله بیرلیکده همین کنده یولا دوشوک. تبریزین طیاره مئیدانیندان باشلایاراق چؤللریمیزین یاشیللیغا بورونمه‌سی، بو ماتم آغریسی و آجیسینا بیر آز تسکین لیک باغیشلاییردی.
اوتن ایللر قوراخلیقدن و یاغینتی لیغین اولماماسیندان اولدوقجا، کدرله‌نن آذربایجان خالقی، بو ایلین بوللو یاغیشین یاغماسیندان و چؤللریمیزین، داغلاریمیزین یاشیل اؤرپه‌یه بورونمه‌سیندن اولدوقجا سئوینیردی. بو سئوینجی یوللاری آتلایاراق راست لاشدیغیمیز جاماعاتین اوزلریندن دویماق اولوردو.
علمداری اوتوب، قارا چایا دؤننده اوره ییمه خصوصی بیر کدر یاغدی بو کدری بو غمی یازین طراوتی، گؤزه‌ل لیگی، چیچک‌لری خوش رایحه‌سی‌ده بئله آپارا بیلمه‌دی. یقین دوستلاریمیز سوروشاجاقلار کی، گؤره‌سن بو کدر نه ایدی؟ اوندا بو سوروشماق لازیم دئییل، آنجاق قارا چایدان اصلاندوزا اوزانان یوللاری گئده‌ن بو کدرین نه اولدوغونو بوتون وارلیغی ایله دویا بیلر. قارا چایین یاخینلیغیندان باشلانان ایندیکی ائرمنستان سرحدلرینه آدام باخدیقدا، قدیم اوغوز تورپاقلاریندا، اوغوز ائولادلارینین کدرلی طالعی هر نه دن آرتیق وجدانلی انسانی ناراحات ائدیر، اوره‌یینده قارا- قارا قانلار دویونله نیر.
هامی خصوصی ایله بو سرحدلرین قیراغیندا یئرلشن ایران آذربایجانی اهالیسینده حتی بؤلگه نین ارگانلاریندا و مسئوللاریندادا، ائرمنی لره بیر نوع منفی باخیش واردیر. اورانی گؤره‌نلر دئییرلرکی، گؤره سن نه واختا قده‌ر ایکی مسلمان خالقین آراسیندا ائرمنی چیبانی دوروب قالاجاقدیر. رحمت لیک اوستاد شهریار گؤزه‌ل دئییر:
دئمه داغ- داشدی سلیمان سنی مندن آییران شئی
بیر چیباندیر کی، چیخیبدیر گؤز ایله قاش آراسیندا
دوزال کندی بویو اوزانان آراز چایی اوگون ساکت آخمیردی، بلکه جوشوب- داشماق ایسته ییردی و اؤز جوشغونلوغو ایله، قاراباغ دردینی یولدان اؤتن لرله بولوشدورمه یه چالیشیردی.
نهایت قاراباغ دردی ایله دوزال کندینه چاتدیق .کند اهالیسی قوناق سئوه‌ر، مهربان و اصیل آذربایجانلی خصوصیت‌لرینی داشییان انسانلار ایدی. اهالی نین سونسوز احترام و حؤرمت‌لری ایله مسجده داخل اولدوق.
یاس مجلسی‌نین واختی 5 ساعات مدتینده چکسه ده، مسجد ده ایینه سالماغا بئله یئر یوخ ایدی.میرزا رسول اسماعیل زاده یه باش ساغلیغی وئرمک اوچون بو مجلسده اولان شخصیت‌لردن، حاج آقا هریسی نژاد، دوکتور مجید کاوه، شاعیر جلال محمدی، مختار صدرمحمدی، حسین زاده، ادبیاتچی مصطفی قلی زاده و اونلارجا روحانی‌نین آدینی چکمک اولار.
عرشه‌خوانین و آیری شاعیرلرین شعرلریندن سونرا غیر اختیاری اولاراق یازیچی میرزا رسول اسماعیل زاده، میکروفن آرخاسینا کئچه‌رک، ده‌یرلی چیخیش ائدیب و هر نه یینی رحمتلیک آتاسینا بورجلو بیله رک، او مرحومه حصر ائتدیگی شعرینی اوخودو، او بونونلا هم اؤزونو، هم ده مسجدده کیلری درین تاثراتلار چولغادی، یئری گلمیشکن آرتیرمالی‌ییق کی، میرزا رسولون آتاسی کربلائی امیر علی، آغا امام حسین (ع)- ین زیارتیندن قاییدارکن، تبریز شهرینده اؤز دونیاسینی دییشمیشدیر. الله اونا رحمت ائیله‌سین، مزاری نورلا دولسون.
ایندیسه سؤزو گئده‌ن شعری اوخوجولاریمیزا تقدیم ائدیب سؤزوموزو سونا چاتدیریریق.
دوست آشینا گلیب سنی گؤرمه‌یه
گؤروشونه قوربان اولوم، آی دده
دور یولا سال قوناقلارین ((دئیه- گوله))
گولوشونه قوربان اولوم، آی دده
مزاری نین دؤوره سینی گول آلیب
دوست- آشینا گلیب، اله گول آلیب
گولون عطرین کربلاده گول آلیب
گولشنینه قوربان اولوم، آی دده
***
سنه اؤلمک هئچ یاراشمیر دیریل گل
هر گون بیزه یامان گئچیر بیر ایل گل
یولون سالما یاندان دده سریل گل
گلیشینه قوربان اولوم آی دده
***
نه بیله ایدیم بو گؤروش سون گؤروشدور
نه بیله ایدیم بو باخیش سون باخیشدیر
نه بیله ایدیم بو گئدیش سون گئدیش دیر
گئدیشینه قوربان اولوم آی دده
***
سن گئده‌نده دئیه- گوله گئدیردین
دؤرد طرفین توتموش گوله گئدیردین
نه عشق ایله امام (ع) گیله گئدیردین؟
بو عشقینه قوربان اولوم آی دده